Cambodian Top Team – Khmer Komlang

Hollywood Kun Khmer Chan Rothana The Riel Team

ផលិតកម្មហូលីវូដ ប្រកាសស្វែងរកកីឡាករគុនខ្មែរចូលរួមសម្ដែងភាពយន្ត

Posted on February 25, 2020February 25, 2020 by SR in Kun Khmer

MagicQuest Entertainment ដែលជាផលិតកម្មហូលីវូដបង្កើតតាំងពីឆ្នាំ១៩៧៥ កំពុងស្វែងរកកីឡាករគុនខ្មែរវ័យក្មេងភេទប្រុស ដើម្បីចូលរួមសម្ដែងភាពយន្ត។ តារាហូលីវូដនិងជាផលិតករ Bo Svenson កំពុងមានបំណងមកថតភាពយន្តនៅប្រទេសកម្ពុជា។ ផលិតករសញ្ជាតិស៊ុយអែត-អាមេរិក Svenson បានទាក់ទងមកកាន់ក្រុម The Riel Team (TRT) មានទីតាំងនៅខេត្តបាត់ដំបង ដែលក្រុមនេះកំពុងគ្រប់គ្រងកីឡាករគុនខ្មែរមួយចំនួនដូចជា កែវ រំចង់ជាដើម។ TRT នឹងព្យាយាមពិគ្រោះយោបល់និងជួយ Svenson និងក្រុមហូលីវូដរបស់លោកដើម្បីឲ្យការផលិតបានឈានទៅមុខជាមួយគ្រោងដ៏ភ្ញាក់ផ្អើលនេះ។ “នេះគឺជាឱកាសធំផ្សេងទៀតសម្រាប់គុនខ្មែរឈានទៅផ្សព្វផ្សាយទៅបរទេសនិងចែករំលែកវប្បធម៌ខ្មែរទៅកាន់ពិភពលោក។ សម្ដីរបស់លោក Matias Andres ស្ថាបនិកមួយរូបរបស់ The Riel Team។ " Svenson គឺជាតារាសម្ដែងល្បីម្នាក់ធ្លាប់ធ្វើការជាមួយតារាហូលីវូដល្បីៗជាច្រើនដូចជា Quentin Tarantino និង Clint Eastwood ជាដើម”។ “នេះជាមោទនភាពមួយដែលបានលោកមកថតភាពយន្តនៅកម្ពុជា និងជាឱកាសដ៏ធំសម្រាប់លោកដើម្បីបង្វែរខ្សែភាពយន្តដែលឈ្នះពានរង្វាន់របស់គាត់ទៅជាខ្សែភាពយន្តដែលនិយាយអំពីមោទនភាពរបស់ជាតិគឺគុនខ្មែរ”។ Shop at Fairtex OUTLET Kun Khmer – The best prices on Fairtex … Continue reading ផលិតកម្មហូលីវូដ ប្រកាសស្វែងរកកីឡាករគុនខ្មែរចូលរួមសម្ដែងភាពយន្ត →

ស សី នឹងវិលមកបង្ហាត់គុនខ្មែរក្នុងស្រុក និង ឆាកអន្តរជាតិ បើសិនប្រាក់កម្រៃអាចផ្គត់ផ្គង់គ្រួសារបាន

Posted on October 24, 2019 by MatiasAndres in Khmer Articles, MMA Cambodia

កីឡាករគុនខ្មែរជើងចាស់ ស សី ដែលជំនាញគុនខ្មែរនិងគុនចម្រុះបានថ្លែងឲ្យដឹងថា រូបគេនៅតែមានចិត្តចង់បង្ហាត់គុនខ្មែរដល់ក្លិបនានាក្នុងស្រុក និង ក្លិបនៅក្រៅប្រទេសសិនត្រូវតម្លៃប្រាក់ខែគ្នាហើយអាចរ៉ាប់រងការចំណាយសម្រាប់គ្រួសារក្នុងបន្ទុកបាន។ ការបង្ហើបយ៉ាងដូច្នេះ បន្ទាប់ពីមានការទាក់ទងពីក្លិបក្នុងស្រុកមួយចំនួន និង ក្លិបនៅក្រៅប្រទេស នាពេលកន្លងមក ប៉ុន្តែមិនត្រូវតម្លៃប្រាក់ខែគ្នា ព្រោះការផ្ដល់ឲ្យមានតម្លៃទាបជាងពេលកន្លងមកក្នុងនាមរូបគេមានបទពិសោធន៍បង្ហាត់។ ស សី ធ្លាប់ទៅបង្ហាត់គុនខ្មែរនៅជប៉ុន ២ ឆ្នាំ ពីឆ្នាំ ២០១៥ ដល់ ២០១៧ មុនចាប់ផ្ដើមកិច្ចសន្យាប្រកួត៣លើកលើសង្វៀន ONE Championship។ https://www.onefc.com/videos/sor-sey-vs-phoe-thaw-4/ កីឡាករជើងចាស់ដែលមានបទពិសោធន៍ប្រកួតនៅសង្វៀន ONE Championship ចំនួន៤ដងបានគូសបញ្ជាក់ថា៖«ខ្ញុំមានក្លិបក្នុងស្រុកយើងទាក់ទង ពីរបីក្លិបដែរដើម្បីទៅបង្ហាត់កូនសិស្សប៉ុន្តែ គេឲ្យតម្លៃខ្ញុំទាបបន្តិច។ បើគិតទៅមិនអាចរ៉ាប់រងការចំណាយលើប្រពន្ធកូនរបស់ខ្ញុំ ដល់ ៤នាក់ប្រចាំថ្ងៃបានឡើយ។ ដូច្នេះខ្ញុំសម្រេចថាអត់ធ្វើតែម្ដង»។ ស សី ដែលមានវ័យ ៣៧ ឆ្នាំហើយនោះបាត់មុខពីសង្វៀនប្រដាល់តាំងពីពាក់កណ្ដាលឆ្នាំ ២០១៨ ម៉្លេះ ក្រោយចាញ់កីឡាករ Xie Bin នៅសង្វៀន ONE ដោយផ្អែកលើវ័យកាន់តែជ្រេ កម្លាំងធ្លាក់ចុះ ហើយ គ្រួសារផ្ទាល់ឃាត់ឈប់ឲ្យឡើងសង្វៀនតទៅទៀត។ Shop … Continue reading ស សី នឹងវិលមកបង្ហាត់គុនខ្មែរក្នុងស្រុក និង ឆាកអន្តរជាតិ បើសិនប្រាក់កម្រៃអាចផ្គត់ផ្គង់គ្រួសារបាន →

គ្រូបង្វឹក ហ៊ុន ច័ន្ទរាជ្យ ដាក់គោលការណ៍បណ្ដុះកីឡាករវ័យក្មេងជំនាន់ក្រោយៗ

Posted on October 23, 2019 by MatiasAndres in Khmer Articles, Kun Khmer, MMA Cambodia

លោក ហ៊ុន ច័ន្ទរាជ្យ គ្រូបង្វឹកក្លិប Cambodian Top Team បានដាក់គោលការណ៍ទទួលកីឡាករវ័យក្មេងជំនាន់ក្រោយដើម្បីស្នងតំណែងគុនខ្មែរ ឬ គុនចម្រុះក្នុងគោលដៅទៅប្រកួតលើកឆាកអន្តរជាតិឲ្យកាន់តែមានលទ្ធផលល្អប្រសើរ។ ម្ចាស់ក្លិប Cambodian Top Team បានថ្លែងថា៖«បាទបង... យើងហាត់សុខភាពផង ប៉ុន្តែ មិនភ្លេចចំពោះកូនសិស្សអាជីពនោះទេ។ កូនសិស្សអាជីពខ្ញុំទទួលហាក់រើសបន្តិច មិនមែនចេះតែយកៗទេ។ បច្ចុប្បន្ន ខ្ញុំមានកីឡាករវ័យក្មេង ៣ នាក់ដែលមើលទៅមានទេពកោសល្យល្អ។ ឥឡូវនេះមានកូនសិស្សក្មេង មត្ស្យ ច័ន្ទរាជ្យ ទើបអាយុ ១០ ឆ្នាំ ប៉ុន្តែឡើងប្រកួតបានចំនួន ៤ ដង ឈ្នះ ២ និង ចាញ់ ២ដង។ គេមានវ៉ៃមានក្បាច់ល្អ និង ទេពកោសល្យល្អ»។ ការដាក់គោលដៅរើសកីឡាករក្មេងៗនេះ ដើម្បីបន្ថែមពីលើកូនសិស្សដែលមានស្រាប់ ដូចជា រិន សារ័ត្ន, អរុណា ច័ន្ទរាជ្យ, ឡុង ឡា, ស៊ឹម ប៊ុនស្រ៊ន់, មាស ម៉ើ, … Continue reading គ្រូបង្វឹក ហ៊ុន ច័ន្ទរាជ្យ ដាក់គោលការណ៍បណ្ដុះកីឡាករវ័យក្មេងជំនាន់ក្រោយៗ →

មាស ម៉ើ សម្រេចបានបំណងប្រាថ្នាទៅប្រកួតស៊ីហ្គេមលើកដំបូងក្នុងជីវិតតំណាងឲ្យកម្ពុជា

Posted on October 17, 2019 by MatiasAndres in Khmer Articles

អ្នកលេងគុនចម្រុះមានពិសោធន៍៣លើកនៅសង្វៀនអន្តរជាតិ ONE Championship មាស ម៉ើ បានសម្រេចបំណងប្រាថ្នាធំបំផុតក្នុងជីវិតដើម្បីទៅប្រកួតស៊ីហ្គេមតំណាងឲ្យកម្ពុជានាចុងឆ្នាំនេះក្នុងវិញ្ញាសាយូដូ។ បំណងប្រាថ្នារបស់ មាស ម៉ើ បានកើតឡើងជាយូរមកហើយ បន្ទាប់ពីឃើញ សែន រ៉ាឌី ឈ្នះមេដាយប្រាក់និង ប៉ាល់ ឆរស្ម៊ី ឈ្នះមេដាយមាសកាលស៊ីហ្គេម ឆ្នាំ ២០១១ ក្នុងវិញ្ញាសាវ៉ូវីណាម។ ដ្បិតទៅប្រកួតក្នុងវិញ្ញាសាខុសគ្នា ប៉ុន្តែវាជាការប្រកួតតំណាងឲ្យកម្ពុជាដូចគ្នានៅព្រឹត្តិការណ៍តំបន់អាស៊ាន ឬ ឆាកអន្តរជាតិ។ https://www.onefc.com/videos/meas-meul-vs-edward-kelly-4/ កីឡាករយូដូជម្រើសជាតិបានថ្លែងថា៖«ខ្ញុំឃើញ សែន រ៉ាឌី និង ប៉ាល់ ឆរស្ម៊ី ឈ្នះមេដាយ ខ្ញុំក៏កើតកូនចិត្តថាដាច់ខាតត្រូវតែទៅប្រកួតតំណាងជាតិនៅស៊ីហ្គេម ក្នុងជីវិតរបស់ខ្ញុំបានម្ដង។ ដូច្នេះខ្ញុំខំទុកឡានចោលលែងរត់មួយរយៈ និង នៅឆ្ងាយពីប្រពន្ធកូនដើម្បីហ្វឹកហាត់ត្រៀមស៊ីហ្គេម ដែលចាប់ផ្ដើមចុងខែឆ្នាំនេះ»។ កីឡាករមកពីស្រុកបារាយណ៍គូសបញ្ជាក់ថា ៖«ខ្ញុំធ្លាប់ចូលរួមប្រកួតលំដាប់អន្តរជាតិជាច្រើន ប៉ុន្តែ ខ្ញុំអត់ដែលបានទៅស៊ីហ្គេមទេ។ ខ្ញុំបានស្នើទៅថ្នាក់លើធ្វើតេស្តខ្ញុំជាមុនសិន។ បើខ្ញុំវ៉ៃចាញ់កីឡាករក្នុងស្រុក ខ្ញុំមិនទៅចូលរួមទេ។ ខ្ញុំវ៉ៃឈ្នះកីឡាករជម្រើសជាតិខ្មែររហូត ៥ នាក់ ទើបខ្ញុំជាប់ឈ្មោះពេលនេះ។ ចំណែក កីឡាករម្នាក់ទៀតមកពីបារាំងដែលត្រូវធ្វើតេស្តជាមួយខ្ញុំចុងខែ តុលា នេះ ធ្លាក់ហើយ។ ខ្ញុំត្រូវតេស្តវ៉ៃជាមួយគាត់ថ្ងៃទី … Continue reading មាស ម៉ើ សម្រេចបានបំណងប្រាថ្នាទៅប្រកួតស៊ីហ្គេមលើកដំបូងក្នុងជីវិតតំណាងឲ្យកម្ពុជា →

៥ សំណួរចំពោះ រិន សារ័ត្ន ខណៈដែលអាជីពគុនខ្មែរ និង គុនចម្រុះកំពុងមានទីផ្សារ

Posted on October 17, 2019 by MatiasAndres in Khmer Articles

ថ្មីៗនេះ សិស្សគុននៅក្លិប Cambodian Top Team រិន សារ័ត្ន ដែលស្គាល់តាមរយៈអាចប្រកួតគុនខ្មែរ និង គុនចម្រុះនោះកំពុងមានទីផ្សារប្រកួតហូរហែទាំងប្រកួតមិត្តភាព ខ្សែក្រវាត់ និង ប្រកួតគុនចម្រុះនៅប្រទេសថៃ។ ក្រៅពីនោះរូបគេក៏មានបទពិសោធន៍ប្រកួតនៅសង្វៀន ONE Championship រហូតដល់ ៦ ដងផងដែរ។ រិន សារ័ត្ន ចូលខ្លួនមករៀបរាប់អំពីស្ថានភាពបច្ចុប្បន្ន តាមរយៈចម្លើយ៥សំណួររបស់អ្នកយកព័ត៌មាន ONE ដូចខាងក្រោម។ ONE: ខ្ញុំឃើញ រិន សារ័ត្ន មានកម្មវិធីប្រកួតហូរហែ តើគិតថាខ្លួនឯងមានទីផ្សារច្រើនជាងមុន ឬ ដោយសារសមត្ថភាព? រិន សារ័ត្ន៖ បាទ! បង មួយរយៈនេះខ្ញុំមានកម្មវិធីប្រកួតច្រើនទាំងនៅក្នុងស្រុក និង ប្រកួតអន្តរជាតិខាងគុនចម្រុះនៅថៃផង។ ហើយ គ្រូ ហ៊ុន ច័ន្ទរាជ្យ ថាអាចនឹងចាប់ឈ្មោះប្រកួតញឹកញាប់ទៀតនៅប្រទេសថៃ ខាងក្បាច់គុនចម្រុះ។ បាទ! ការពិត កីឡាករគុនចម្រុះមានតិច ដូច្នេះសមត្ថភាពអាចប្រកួតបាននៅថៃមិនជាបញ្ហា ហើយយើងក៏ធ្លាប់វ៉ៃនៅ ONE ច្រើនដែរ។ ជាមួយគ្នានេះខ្ញុំក៏ជាប់លេងខ្សែក្រវាត់គុនខ្មែរ ទម្ងន់ … Continue reading ៥ សំណួរចំពោះ រិន សារ័ត្ន ខណៈដែលអាជីពគុនខ្មែរ និង គុនចម្រុះកំពុងមានទីផ្សារ →

សំណួរ-ចម្លើយបន្ទាប់ពី ឡុង ឡា ឡើងសង្វៀន ONE WARRIOR SERIE លើកដំបូង

Posted on October 7, 2019 by MatiasAndres in Khmer Articles, MMA Cambodia

អ្នកលេងគុនចម្រុះ ឡុង ឡា ដែលប្រកួតតំណាងឲ្យក្លិប Cambodian Top Team រងបរាជ័យក្រោមថ្វីដៃកីឡាករម្ចាស់ជប៉ុន Asuka Tsubaki នៅត្រឹមទឹកទី២ ដោយក្បាច់ឃ្លេពីលើ កាលថ្ងៃទី ៥ ខែ តុលា កន្លងទៅនៅក្រុងតូក្យូប្រទេសជប៉ុន។ តើកីឡាករ ឡុង ឡា ថ្លែងបែបណាហើយ រៀបចំគម្រោងយ៉ាងដូចម្ដេចទៀតនាប្រកួតបន្ទាប់? ONE៖ តើមានអារម្មណ៍ភ័យខ្លាច ឬយ៉ាងណាដែរពេលឡើងសង្វៀន ONE Warrior Series លើកដំបូង ហើយនៅមុខអ្នកគាំទ្រច្រើនទៀត? ឡុង ឡា៖ ខ្ញុំអាចទប់អារម្មណ៍បានពេលប្រកួតទល់នឹង Asuka Tsubaki ព្រោះធ្លាប់មានបទពិសោធន៍ប្រកួតនៅថៃក្នុងការប្រកួតគុនចម្រុះដែរ។ ប៉ុន្តែអ្វីដែលប្លែកនៅសង្វៀនធំបែបនេះ ខ្ញុំក៏មានអារម្មណ៍ភ័យខ្លះដែរ ហើយនៅមុខអ្នកគាំទ្រជប៉ុនជាច្រើនទៀតពេលបង្ហាញខ្លួនលើកដំបូងរបស់ខ្ញុំ។ ONE៖ ទឹកទី១ ធ្វើបានល្អពោល ឡុង ឡា មិនឲ្យ Asuka ចូលចាប់បាននិងវ៉ៃប្រយោល តើហេតុអ្វីបានទឹកទី២ គេអាចចូលចាប់ និងរើលែងរួចតែម្ដង? ឡុង … Continue reading សំណួរ-ចម្លើយបន្ទាប់ពី ឡុង ឡា ឡើងសង្វៀន ONE WARRIOR SERIE លើកដំបូង →

ឡុង ឡុង បង្ហើបពីការតាំងចិត្តពេលឡើងសង្វៀនអន្តរជាតិ ONE: WARRIOR SERIES លើកដំបូង

Posted on September 23, 2019 by MatiasAndres in Khmer Articles, MMA Cambodia

ឡុង ឡា ដែលខកខានប្រឡូកលើសង្វៀនគុនចម្រុះយ៉ាងយូរមកហើយនោះបង្ហើបអំពីការតាំងចិត្តយ៉ាងមោះមុតថានឹងធ្វើឲ្យបានល្អពេលឡើងសង្វៀន ONE: WARRIOR SERIES នាដើមខែ តុលា។ កីឡាករមកពីខេត្តឧត្ដរមានជ័យ ឡុង ឡា តំណាងឲ្យក្លិប Cambodian Top Team ត្រូវតតាំងនឹងអ្នកលេងគុនចម្រុះសញ្ជាតិជប៉ុន Asuka Tsubaki មកពីក្លិប Trident Gymនៅយប់ថ្ងៃទី ៥ ខែ តុលា ខាងមុខនាប្រទេសជប៉ុន។ ឡុង ឡា ដែលទទួលបានឈ្មោះបោះសំឡេងតាមរយៈការចេញទៅប្រកួតនៅថៃញឹកញាប់ បូកទាំងសង្វៀនក្នុងស្រុកផងនោះបានថ្លែងថា៖«ឥឡូវនេះខ្ញុំបុកហាត់គុនចម្រុះដូចជាក្បាច់ចាប់ឃ្លេ និង ដោះបានប្រហែលជា ២ សប្ដាហ៍ហើយជាមួយ គ្រូបង្វឹក ហ៊ុន ច័ន្ទរាជ្យ នៅ ក្លិប Cambodian Top Team។ ពីមុនខ្ញុំធ្លាប់ប្រកួតវ៉ៃដាក់ទ្រុងប្រហែល ៧ ដងដែរនៅស្រុកខ្មែរ ប៉ុន្តែបច្ចុប្បន្នអត់មានការប្រកួត ហើយខ្ញុំតែងឡើងគុនខ្មែរតាមសង្វៀននានា»។ មួយរយៈចុងក្រោយនេះ កីឡាករវ័យ ១៩ ឆ្នាំ បានចេញទៅប្រកួតនៅថៃក្នុងកម្មវិធី Super Champ … Continue reading ឡុង ឡុង បង្ហើបពីការតាំងចិត្តពេលឡើងសង្វៀនអន្តរជាតិ ONE: WARRIOR SERIES លើកដំបូង →

អ្នកលេងគុនចម្រុះ រិន សារ័ត្ន ស្រលាញ់ក្បាច់កីឡាករគុនចម្រុះអន្តរជាតិ ២ រូប

Posted on August 27, 2019 by MatiasAndres in Khmer Articles, MMA Cambodia

អ្នកលេងគុនចម្រុះកម្ពុជានៅក្លិប Cambodian Top Team រិន សារ័ត្ន បានបង្ហើបអំពីកីឡាករគុនចម្រុះ ២ រូបដែលខ្លួនចូលចិត្តនិង រៀនសូត្រតាម។ កីឡាករពីររូបដែល សារ័ត្ន ពេញចិត្ត គឺ Martin Nguyen ដែលជាម្ចាស់ខ្សែក្រវាត់ ONE Featherweight World Champion បច្ចុប្បន្ន និង ជើងខ្លាំងវ័យក្មេងសញ្ជាតិហ្វីលីពីនវ័យ២៣ឆ្នាំ Danny Kingad ។ កីឡាករកម្ពុជាវ័យ ២៥ ឆ្នាំបានថ្លែងដូច្នេះ៖« ខ្ញុំពេញចិត្តកីឡាករគុនចម្រុះហ្វីលីពីន Danny Kingad ព្រោះគាត់មានមានកម្លាំងស៊ុហ្វខ្លាំងរហ័ស ពូកែក្បាច់ដៃ។ ដៃគូដែលជួបគាត់ ពិបាកយកឈ្នះគាត់ណាស់។ ក្នុងនោះក្បាច់ឃ្លេរបស់ Kingad ក៏មិនណយដែរ»។ ជើងខ្លាំង Danny Kingad ពិតជាមិនធម្មតាទេ ឈ្នះរហូតដល់ ១១ ដងក្នុងការប្រឡូកលើសង្វៀនគុនចម្រុះ ១២លើក ហើយ ៦ប្រកួតចុងក្រោយនៅសង្វៀន … Continue reading អ្នកលេងគុនចម្រុះ រិន សារ័ត្ន ស្រលាញ់ក្បាច់កីឡាករគុនចម្រុះអន្តរជាតិ ២ រូប →

គ្រូនិងសិស្សនៅ Cambodian Top Team ចូលរួមថតរឿងឲ្យក្រុមហ៊ុនផលិតភាពយន្តអាមេរិកមួយ

Posted on August 19, 2019 by MatiasAndres in Khmer Articles, MMA Cambodia

គ្រូបង្វឹកបង្វឹក ហ៊ុន ច័ន្ទរាជ្យ នៃក្លិបប្រដាល់ Cambodian Top Team (CTT) បានបង្ហើបថា លោក និង កូនសិស្សជាច្រើននាក់ត្រូវបានក្រុមហ៊ុនផលិតភាពយន្តឯកសាររបស់អាមេរិកមួយជ្រើសរើសឲ្យដើរតួថតឈុតអ្នកស៊ើបអង្កេតដល់អ្នកជាប់ទោស ឬ អ្នកជាប់គុកម្នាក់ក្នុងរយៈពេល២សប្ដាហ៍កន្លងទៅនេះ។ យ៉ាងណាក្ដីភាគីខាងក្រុមហ៊ុនអាមេរិកមិនបង្ហើបអំពីចំណងជើងរឿងដែលមកថតនៅស្រុកខ្មែរនោះទេ ប៉ុន្តែ ភាពយន្តឯកសារនៅបន្តថតទៀតនៅទឹកដីអាមេរិក និងទីតាំងនានាតាមតម្រូវការផលិត ក្រោយបញ្ចប់ការយកទីតាំងកម្ពុជាថតកាលសប្ដាហ៍មុន។ ភាយយន្តឯកសារនេះគ្រោងនឹងដាក់បញ្ចាំងជាផ្លូវការនៅឆ្នាំ ២០២០ ខាងមុខ។ លោក ហ៊ុន ច័ន្ទរាជ្យ បានបន្តថា៖«ខាងក្រុមហ៊ុនគេអត់ចង់បង្ហើបសាច់រឿង ប៉ុន្តែខ្ញុំបានដើរតួធំដែរ គឺ តួជាមេប៉ូលិសស៊ើបអង្កេតអ្នកទោស និង ស៊ើបអង្កេតការជួញដូរគ្រឿងញៀនទៀតផង ហើយកូនសិស្សខ្ញុំជាច្រើនក្នុងក្លិបបានដើរតួដែរ។ តាមពិតសាច់រឿងនេះគឺតម្រូវថតនៅថៃតែគេយកទីតាំងមកថតនៅកម្ពុជា ហើយខ្ញុំជាមេប៉ូលិសពាក់ឈុតខោអាវប៉ូលិសថៃដើម្បីស៊ើបអង្កេត»។ គ្រូបង្វឹកនិងកីឡាករដែលចូលរួមថតរួមមាន គ្រូហ៊ុន ច័ន្ទរាជ្យ,សាន សៅយ៉ាន់, ស សី, សុខ ធី, សុខ រិទ្ធ, រិន សារ័ត្ន, ចាន់ សំអាត, និង កូនសិស្សជាច្រើនទៀត។ ចំណែកទីតាំងថតដែលមានសកម្មភាពស៊ើបអង្កេត និង មានអ្នកទោសជាប់គុកជាប់ច្រវាក់ផងនោះនៅម្ដុំវាលព្រះមេរុ។ … Continue reading គ្រូនិងសិស្សនៅ Cambodian Top Team ចូលរួមថតរឿងឲ្យក្រុមហ៊ុនផលិតភាពយន្តអាមេរិកមួយ →

គ្រូ ហ៊ុន ច័ន្ទរាជ្យ ប្រាប់មូលហេតុអំពីការដកខ្លួនរបស់ ចាន់ សំអាត នៅសង្វៀន ONE

Posted on July 22, 2019 by MatiasAndres in Khmer Articles, MMA Cambodia, ONE Championship

អ្នកលេងគុនចម្រុះ ចាន់ សំអាត មកពីក្លិប Cambodian Top Team គ្រោងឡើងសង្វៀន ONE Championship ជាថ្មីនាថ្ងៃទី ៦ ខែ សីហា ខាងមុខ ដោយជួបកីឡាករមីយ៉ាន់ម៉ា Punnya Say ដែលរៀបចំនៅប្រទេសសិង្ហបុរី ប៉ុន្តែត្រូវដកខ្លួនទៅវិញព្រោះតែបញ្ហារបួស។ សំអាត ត្រូវបានគេបង្ហើបថានឹងឡើងប្រកួតក្នុងប្រភេទទម្ងន់ចន្លោះពី ៥៦ ទៅ ៦០ គីឡូក្រាម ដែលជាគីឡូដើមរបស់ខ្លួន បន្ទាប់ពីឡើងប្រកួតលើកមុនៗនៅសង្វៀន ONE គឺ ត្រូវដំឡើងដល់ ៦៥ គីឡូក្រាមទើបមានគូប្រកួត។ ប៉ុន្តែ ក្ដីរំពឹងនៃការបង្ហាញខ្លួនលើកទី ៥ នៅសង្វៀនអន្តរជាតិរបស់ខ្លួនត្រូវបានខកខានទៅវិញ។ ទាក់ទិននឹងបញ្ហានេះ លោក ហ៊ុន ច័ន្ទរាជ្យ គ្រូបង្វឹកនៅក្លិប Cambodian Top Team បានថ្លែងថា ៖«ខ្ញុំសម្រេចចិត្តដកឈ្មោះ ចាន់ សំអាត ចេញពីបញ្ជីប្រកួតនៅ សង្វៀន ONE នាដើមខែសីហា នៅប្រទេសសិង្ហបុរី … Continue reading គ្រូ ហ៊ុន ច័ន្ទរាជ្យ ប្រាប់មូលហេតុអំពីការដកខ្លួនរបស់ ចាន់ សំអាត នៅសង្វៀន ONE →