ជើងឯក KWC ទម្ងន់ Flyweight (៦១គក) ខុន ស៊ីចាន់ មិនអាចបង្កើតជ័យជម្នះដ៏កក្រើកដូចដែលគេបានធ្វើឆ្នាំមុនឡើយ ដោយគេត្រូវបានកីឡាករឆ្នើមឥណ្ឌូនេស៊ី Rudy “The Golden Boy” បង្ខំឱ្យសុំចុះចាញ់ក្នុងទឹកទី១កាលពីថ្ងៃសុក្រទី២២ខែកុម្ភៈ។ កីឡាករជំនាញគុនខ្មែរបានប្រកួតគូបើកឆាកនៃព្រឹត្តិការណ៍ ONE: CALL TO GREATNESS ហើយបានចាប់ផ្ដើមវាយយ៉ាងប្រុងប្រយ័ត្នដោយរក្សាចម្ងាយពីគូបដិបក្ខជនជាតិឥណ្ឌូនេស៊ី។ នៅវិនាទីទី៤៥ Agustian ដែលមានរហស្សនាម “Golden Boy” បានបុកចូលចាប់ផ្ដួលស៊ីចាន់ទៅលើរេញ ហើយគ្រប់គ្រងស្ថានការណ៍បានយ៉ាងរហ័សដោយសង្កត់លើស៊ីចាន់ជាប់។ កីឡាករកម្ពុជាបានការពារខ្លួនពីការព្យាយាមចាប់ក្លេរបស់ Rudy ប៉ុន្តែកាន់តែជាប់ក្លេខ្លាំងឡើងៗនៅពាក់កណ្ដាលទឹក។ បន្ទាប់ពីព្យាយាមរើបម្រះដើម្បីឱ្យ Rudy ខ្ទាតចេញ ស៊ីចាន់ ត្រូវ Rudy ចាប់ខ្នងបាន ហើយខណៈការប្រកួតទឹក១នៅសល់ពេល១៖៤៥នាទីទៀត ជើងឯកមួយថៃថ្នាក់ជាតិរបស់ឥណ្ឌូនេស៊ីបានផ្ដេកខ្លួនលើរេញហើយក្លេកស៊ីចាន់ពីក្រោយបណ្ដាលឱ្យស៊ីចាន់គោះសុំចុះចាញ់។ លោក Alan Mccune ដែលជាគ្រូបង្វឹកយូរឆ្នាំរបស់ ស៊ីចាន់ និយាយថា៖ «វាមិនមែនជារាត្រីអស្ចារ្យសម្រាប់ស៊ីចាន់ឡើយ។ គាត់មិនបានវាយអស់មួយឆ្នាំហើយ ហើយពួកយើងយឺតបន្តិចក្នុងទឹកទី១។ Rudy ជាអ្នកប្រយុទ្ធដ៏អស្ចារ្យម្នាក់ ហើយគាត់ពូកែចាប់ក្លេ ជាចំណុចដែលពួកយើងមិនមានពេលដើម្បីត្រៀមលក្ខណៈក្នុងយុទ្ធសាស្ត្ររបស់យើង»។ «ទោះបីស៊ីចាន់រួចខ្លួនពីការវាយប្រហាររបស់ Rudy មួយលើកជាពីរ … Continue reading ខុន ស៊ីចាន់ សន្យាពង្រឹងសមត្ថភាពឱ្យខ្លាំងជាងមុនហើយចង់ប្រកួតនៅ ONE’s Super Series
Khmer Komlang 